الأمس كان المرحلة الأولى في التغيير
على و عسى تستمر هذه المرحلة ولو لفترة قصيره
قبل ما أبدأ مرة أخرى في التراجع
خرجت أمبارح من الشغل على المكتبة و كان مشوار ما يعلم بيه الا ربنا
بس قضيت المطلوب و الحمد لله
وقابلت بعدها حاتم و اتغدينا سوا
و احنا مروحين بعدها قابلنا بابا حاتم
فسيبتهم وعديت على أختي في بيتها
وقعدت معاها شويه وبعدها روحت على البيت على الساعه ثمانيه
لاقيت عندنا عمار قعدت العب معاه شويه وبعدين نمت
و النهارده الصبح في الشغل المهندس ش فهمني شوية حاجات في الشغل
ياريت استفيد بيها
امبارح حصلي حاجه غريبه
المدعو خ اتصل بيا بعد فتره انقطاع وكان عايزني انزل من الشغل واقابله وانا اتهربت منه ودي كانت حاجه كويسه
مش عارف انا اتهربت منه لان مفيش امكانيه اني انزل من الشغل بسهوله ولا لأني مش عايز اقابله بس المهم اني مقابلتوش وده شيء كويس
اكيد في مره هحكي حكايتي معاه
وده يخليني اقول فكرتي اللي فكرت فيها
وهي اني كل اسبوع اكتب عن شخصيه اثرت في حياتي بشكل ما
وبما ان النهارده نهايه الاسبوع
فهيكون النهارده ميعادنا مع شخصيه الاسبوع واللي هتكون في بوست منفصل
اما عن النهارده فانا كالعاده هحاول اعمل حاجه في الشغل حتى لو صغيره بدلا من البلطجه
وكمان عندي شويه افكار هحاول انفذها
اما اشوف الايام دي وخداني على فين
No comments:
Post a Comment