لبست ونزلت قابلت حاتم واحنا رايحين المشوار لاقينا رضا في وشنا كان رايح الكليه فأخدناه في سكتنا وقالنا نروح كلنا وبصراحه استمتعنا جدا قعدنا نحكي ونضحك على كل حاجه واي حاجه وخلصت المشوار وطلعنا سوا على الكليه شفت ناس كتير وسيبتهم وقلتلهم هروح الشركة رغم ان مديري قالي متجيش لو مش عايز بس انا قلت لا اروح عشان محدش يبقى شايف اني ببلطج
روحت اول حد قبلته كان أ ش وسلم عليا ومعلقش بس ده لاني مش بيشتغل معايه فمكتشفش اصلا اني لسه واصل
تاني حد هو المهندس وح وبصراحه كلامه ضايقني
اه انا عارف اني مش شغلي اني اوصل اجهزه
بس كلام الناس ساعات بيكون جارح
حتى لو ميقصدوش كان بيقولي مقلتش للمهندس خ لأ ليه؟
انا مش بعرف اقول لحد لأ دي أولا
وثانيا انا حر انا اللي روحت المشوار
واتبهدلت او لأ دي برضه مشكلتي
المهم كلامه ضايقني
قعدت في الشغل حوالي ساعتين بس معملتش اي شغل قعدت على النت وشفت شويه حاجات وكتبت شويه
وبعدها هربت من سلم الخدم وروحت على الكليه
قعدت هناك شويه مع حاتم ورضا وخرجنا بعدها اتغدينا وروحنا
روحت وكنت مبسوط بس استنيت حاتم يكلمني ومكلمنيش
وانا مش رضيت اكلمه لانه كان شكله تعبان وخفت يكون نايم
وفضلت مستنيه يكلمني مكلمنيش
اتفرجت على فيلم حلو اوي على ام بي سي تو
bounce
كان من نوعيه افلامي المفضله عجبني كتير
بعدها دخلت السرير وحاولت انام رغم ان لسه شويه على ميعاد نومي
نجحت اخيرا في اني انام بس نومي كان كله قلق
مش عارف هو ليه القلق دايما عنصر اساسي في حياتي حتى في النوم
No comments:
Post a Comment