يوم الخميس واه من يوم الخميس
اخر ايام الاسبوع
اولا انا معملتش حاجه من خططي اللي قلت عنها
خرجت من الشغل على البيت على طول
مروحتش اشتري الحاجات اللي كانت ناقصني
قعدت في البيت شويه وبعدين روحت لحاتم لانه هو طلب اني اروحله البيت
ودي كانت مشكلة لأني كنت حاسس وانا عنده انه مش عايزني
هو كان بيقولي تعالى لأنه عارف اني انا عايز اشوفه
بس هو مش عارف
المهم روحت من عنده
معرفتش اروح فين فكرت اتمشى شويه بس مش لاقيت ليه نفس
فروحت لاقيت عمار عندنا في البيت
لعبت معاه شويه
وتاني فتحت ماما موضوع جوازي
انا خلاص تعبت من كتر كلامها في الموضوع ده
والمرة دي ادتني مهله للصيف القادم واكون خلصت كل حاجه
يعني بالكتير الصيف القادم واكون في العش التعيس
مش عارف في ايه
انا عارف اني ولد والولد حر نفسه
بس من واقع حياتي في البيت ده
فانا واثق في قوتهم نفس ثقتي في ضعفي
واني مهما رفضت فبالكتير الموضوع ممكن يتأجل شهور مش سنين زي ما انا عايز
وكان يوم سيء لاقصى درجه
بس التجديد اللي حصل فيه اني نمت متأخر عن ميعادي على اساس اني يوم الجمعه مش محتاج اصحى بدري
مش عارف الايام دي وخداني موديني فين
1 comment:
الدنيا مش كلها زي مااحنا شايفنها
الدنيا ظاهره زي مااحنا عايزين نشوفها
خليك واثق انااكيد هاييجي يوم نحس ان كل المشاكل مش موجوده وان ده اسعد يوم عشناه ولحد ماييجي اليوم ده
كون احسن وكون اقوى
Post a Comment