الشخصية الأولى

فكرت كتير مين ممكن يكون صاحب لقب اول شخصيه

اول حاجه قلت حاتم

وبعدين حسيت ان ده تحيز اولا عشان هو لسه موجود معايه ثانيا عشان هو بيقدر يقرا الكلام ده

فممكن اؤجل الكلام عنه الا حين

يأما يبطل يقرالي

يأما يكون بعد عني

المهم

بعد تفكير مش طويل قررت انه يكون

أستاذ ك

ده كان مدرسي في الاعدادية

كان بيدرسلي مادة بحبها جدا طول عمري ويمكن يكون ده السبب اللي خلاني اتأثر بيه

المهم أنا حابب أني أحكي عنه كل حاجه من البداية

أول تعارفنا كان خناقة

كان قبل ما يدرسلي بسنة وكنا في الاذاعه المدرسيه وقالي انت مش هتقول النهارده في الاذاعه وانا كنت مستني اصلا اللحظه اللي هقول فيها في الاذاعه بس هو شاف ان الطالب اللي يخصه هو اللي هيتكلم في الاذاعه في اليوم ده وعايز اوضح ان الشخص ده انا كنت اعرفه بس مكناش اصحاب وهو م ح وده كمان ليه قصه ممكن احكيها بعدين

المهم

زعلت منه في اليوم ده

وكنت دايما بشوفه لانه كان بيدرس للفصل اللي جنبي وانا في تانيه اعدادي

لغايه ما جاء اليوم الموعود اللي اصبحت انا فيه في تالته اعدادي وكان استاذ ك بيدرسلي

وابتدى اول موقف بينا وهو مدرسي برضه بخناقه

وكانت بسبب انتخابات الفصل

حيث استبعدني بعد فوزي وذلك لوجهه نظر شخصيه منه لا داعي لذكرها الان

بعدها كانت حاسس اني مش بحبه او يمكن كنت بقول كده عشان مكنتش عايز اعجابي بيه يزيد قوي

لغايه ما في يوم حدث التصادم الاول والمباشر بينا

كان معايه صديق وزميل من نفس الفصل وهو م س و قابلنا الاستاذ ك بصاحبة مدرسنا السابق الاستاذ م

وكان الاستاذ م يكن لنا كل التقدير

وساعتها انا كنت بهرج مع الاستاذ م وبضحك

فالاستاذ ك قالي كفايه ضحك بقى

زعلت جدا ساعتها ومشيت

فأعدني صديقي م س ولكني لم اتمالك نفسي وانهرت بالبكاء

يتبع الاسبوع القادم مع الجزء الثاني من شخصيات