النهارده من بدايته يوم مش حلو خالص
اول ما وصلت الشغل لاقيت الناس كلها بتتكلم انها منامتش غير ساعه او ساعتين
وانا نمت اكتر من تسع ساعات
طيب اعمل ايه
وطول اليوم في الشغل زهقان
وطبعا اكتشفت اني مش هقدر اقابل حاتم
وهو ده فعلا اللي حصل
وكمان في الشغل المهندس خ كان طلب مني اني اروح اصلح كمبيوتر لواحد صحابه
هومش صاحبه وبس لأ و كان مديري لفتره من الفترات بس ده مش شغلي
ومع ذلك اخدته عشان اوديه ربنا يستر
والجو كله كان دمه تقيل
حتى البيت مجليش نفس اقعد فيه
واصحابي
لا مش اصحابي كلهم
هم حاتم وصديقتي انسانه بس
خوفوني اني محدد اهداف اكتر من اللي اقدر عليها
ودي حقيقه فخفت اني افشل او اتعب في نص الطريق
وانا لسه عندي المشكله الازليه وهي اني شايف نفسي فاشل
معنديش القدره على النجاح
انا مش عايز اكتب عن ده دلوقت
بقيت اليوم معملتش حاجه تذكر نزلت اقعدت على النت شويه في سيبر قريب
بس زهقت ورجعت على البيت
قعدت في البيت شويه بس مش عملت حاجه تذكر
وفي ميعاد نومي مقدرتش انام اقعدت اتكلم مع ماما شويه
فلما صدقت وفتحت موضوع جوازي تاني
فسيبتها ودخلت انام
الله معي
No comments:
Post a Comment