الدنيا شكلها ان شاء الله هتحلو
نبدأ باليوميات
امبارح بعد ما خلصت في السيبر وروحت لحاتم البيت
قعدنا سوا شويه وبعدين نزلت وروحت على البيت
وماما كانت عايزه نروح شقه اختي عشان هي بعد الشغل رحت بيتها ومعدتش علينا
قعدنا عندها لغايه الساعه سابعه عقبال ما خلصنا تنظيف الشقه والغسيل
بعدها روحت على البيت و حاتم قالي هننزل
ونزلنا عدينا على رضا بس مكنش في البيت فخرجنا الحمد لله لوحدنا نزلنا روكسي
كان حاتم عايز يسحب فلوس ويشتري هدوم
طبعا كالعاده مبيخرجنيش غير لو عايز يشتري حاجه
بس والحق يقال عشاني بره
بعدها روحت على البيت وكانت الساعه عشره ونص يعني فات نص ساعه على ميعاد نومي ولاقيت ابن عمي عندنا
ومع ذلك منمتش قعدنا نرغي انا واختي لغايه الساعه حداشر ونص
وبعدها دخلت نمت
وصحيت طبعا في ميعادي عشان الشغل
كنت صاحي كسلان شويه بس متفائل الى حد ما
جيت على الشغل وكنت من نفسي والله ناوي اشتغل
وبعدين المهندس ش طلب مني شغل وانا شغال فيه من ساعتها وبيتهيألي اني يدوبك أخلصه على المرواح
وحاتم قالي انه هيخرجني بعد الشغل
فكده مش هقعد بعد مواعيد العمل
وانا بصراحه لو حاتم مكنش هيخرجني
كنت انا هخرج لوحدي عشان محسش بالملل
ده بخصوص اليوميات
اما بخصوصي انا
فالحمد لله انا اخيرا اقتنعت ان مش لازم كل حاجه تكون مره واحده
يعني ممكن واحده واحده كل شيء يتحقق
وانا في الايام القليله الباقيه من الشهر سأعمل على وضع هدف واحد في كل مجال لتنفيذه خلال الشهر القادم
وموعدنا غداً لسرد مجموعه من الاهداف حتى يكون هناك تنوع وامكانيه للاختيار
1 comment:
صباحو تفاؤل انشاء الله
ايوه كده ولا عشان انا خلاص مسافر
لو كده يبقى ربنا يكتر من سفرياتي
لا بأهرج
يارب دايما ان شاء الله
Post a Comment