النهارده الجمعه اول يوم في الشهر
لا قبل ما اتكلم عن النهارده احكي يوم الخميس
يوم الخميس كان يوم كويس
بالنسبه للشغل طلب مني المهندس ش اني اعمل شويه حاجات فضلت اشتغل فيها لغايه ميعاد الانصراف
مكنتش طول الوقت بشتغل فيها بس اشتغلت كويس في اليوم ده وقريت كمان شويه من مرجع وانا في الشغل
وبعدين روحت لاقيت عندنا عما ر ومامته ولاقيت بابا في البيت فاتنرفزت وقلت لماما مش انتي قلتي انه هيسافر قالتلي انه سافر ورجع فاضطريت اني اتغدى معاه
سيبتهم ودخلت اوضتي ملقتش حاجه اعملها قعدت على النت شويه واتخنقنا انا وحاتم شويه في التليفون لانه مسألش عليه من يوم الاربعاء وبليل لاقيته عمل حركة كويسه
وجالي ونزلنا اتمشينا شويه وبعدين روحت لاقيت فيلم حلو على ام بي سي فور لممثلتي المفضله
ميج ريان
بس طبعا مكملتوش لان الوقت كان اتاخر وكنت عايز انام قبل بابا ما يرجع من بره لانه طبعا كان عند العم صاموله
صحيت النهارده من بدري رغم اني نايم متأخر والنهارده الجمعه واجازه بس النور دخل اوضتي من بدري
قمت لبست وجيت على الشركة ومن ساعه ماجيت معملتش حاجه غير اني قعدت على النت اقرا واكتب
النهارده وانا جاي الشغل كان قاعد جنبي واحده وانا اخدت ابنها على رجلي والولد كان لطيف بس وجعلي دماغي
اول حاجه قالي ايه ده انت لابس تي شيرت زي بتاعي معرفش ازاي وانا كنت لابس تي شيرت اصفر وهو لابس تي شيرت احمر
بعدها انت اسمك ايه
وانت رايح فين
ومامته بتقوله سيب عمه وتعالى اقعد على رجلي قالها ده مش عمو ده مادا وكأنه صحبي من زمان
المهم
انا النهارده عندي امتحان عشان الكورس الجديد ربنا يسهل واحل كويس
رغم انها مش هتفرق كتير
ياااااااااااااااااااااااااااااااااااااااااااااااااااااااااااااارب ساعدني
1 comment:
كنت عايز اعرف انت عملت ايه من اللي كنت مقرر تعمله
مش عايزك تنسى
لازم تبدأ
فقط بدايه مش شرط كل اللي قررته بس حاجات
انا شايف انك امتحنت
اليوم كله ضاع ف الامتحان
الحق نفسك مافاتش غير يوم ونقدر نلحقه
بالتوفيق
Post a Comment