امبارح كان يوم الى حد ما كويس
يمكن لاني معرفش الراحه والاستقرار
ودايما قلقان صعب اني احكم على ايامي بشكل صحيح
كان يومي امبارح في الشغل عادي
وبعد الشغل روحت على البيت على طول
اتغديت واتفرجت على مسلسلي المفضل
بعدها كلمت حاتم وزورته في البيت
استمتعت بوقتي معاه يارب هو كمان يكون استمتع
بعدها روحت على البيت قعدت شويه وقبل م انام كان شغال فيلم
panic room
بس مكملتوش عشان اقدر اصحى بدري
وامبارح حلمت حلم غريب
كان فيه رحله سفر اعتقد لامريكا وكان معايه حاتم وشخص اخر كان بيتغير مع الوقت
وكانت رحله غريبه وتصرفت فيها تصرفات غريبه
انا دايما احلامي غريبه يمكن لانها انعكاس عن حياتي الشخصيه اللي هي كمان غريبه
كالعاده نمت الساعه عشره وصحيت الساعه سته
دي يمكن من الحاجات القليله المنتظمه في حياتي هي مواعيد نومي وصحياني
وكالعاده ايضا اكتب البوست ده من الشغل اللي من ساعة ما جيته الصبح معملتش اي حاجه
مش عارف امتى حياتي هتظبط وهل انا فعلا عايزها تظبط ولا لأ وايه هي درجة استمتاعي بحياتي
وانا عايز اوصل لايه من حياتي اسئله كتيره اوي
ممكن في يوم ابقى احاول اكتب كل الاسئلة اللي بتدور في خيالي واحاول اوصل لإجابة ليها
2 comments:
أعتقد بأن شغلك لايناسب ميولك.. وربما هذا هو سبب تعبك..مع ذلك.. انصحك بأن تحاول أن تحب ماتفعل وتجد اشياء مشتركه بينك وبين عملك كي تستطيع الاستمرار
تحياتي
انسانه
صديقتي العزيزه
عندك حق
رغم اني توهمت لفترة ان هو ده الشغل اللي انا عايزه بس دلوقت مش عارف حاسس اني مش قادر استمر
يمكن اكون مبحاولش اني انجز فيه
بس في نفس الوقت مش قادر اتخيل حياتي في شغل غيره
هعمل بنصيحتك وادور على اشياء مشتركة على وعسى
تحياتي
Post a Comment