الاحد اول ايام الاسبوع
يوم السبت كان يوم من الايام الممله ايضا
مروحتش الشغل وفضلت في البيت وفي الاخر زهقت وقلت هخرج
وكان حاتم مشغول فخرجت لوحدي
نزلت ولاقيت السينما زحمه وكنت هالغي الفكره واروح وبعدين لاقيت نفسي بقطع تذكره وادخل
كان فيلم عمر وسلمى لتامر حسني ومي عز الدين ودخلته في سينما مترو
كان فيلم كويس
استمتعت بس كنت دايما بحس اني ناقصني حاجه
كان ناقصني ان حاتم يكون معايه
وعلى الرغم من اني كان مفروض اروح ازور محمد سعيد من يوم الجمعه بس ماروحتش وماعتذرتش ولسه محول تليفوني
مكلمتش المهندس موسى لغايه دلوقت
المهم بعد السينما روحت عاى البيت فضلت فيه لغايه بليل مش بعمل اي حاجه
وبعدين عديت على حاتم في البيت قعدت معاه شويه صغيرين ملحقتش اشبع منه فيهم
وبعدها روحت على البيت وكنت قبل ما انزله كانت اختي لسه واصله وكمان عمار ومامته ورجعت لاقيتهم لسه موجودين وبعدين عمار ومامته نزلوا وانا دخلت انام ونومي كان كله قلق مش عارف ليه
بس صاحي النهارده عندي تفاؤل ووصلت الشغل وعرفت ان المهندس شكري واخد اجازه اسبوع مفروض استغله كويس واخلص حاجات من اللي ورايا واجهز شويه شغل اناقشه فيه لما ييجي
يارب ساعدني
2 comments:
بقى فيلم عمرو وسلمى حلو
هو الواد تامر دة بيعمل حاجة حلوة
انا مبطيقوش
بس هدخل الفيلم ولو وحش هتدينى ثمن التذكره وانت حر
تحياتى
العزيز ضد الظلم
نورت المدونه وان كنت تخيلت انها متهمش حد عشان انا مبكتبش غير عن حياتي
احب اعرف انت وصلت ليها ازاي
وفعلا الفيلم كويس ومتخفش لو معجبش اردلك التذكره
تحياتي انا ايضا
Post a Comment