انا مرهق اوي
امبارح انجزت كويس في الشغل الحمد لله كنت شغال مع المهندس وليد وكل شويه يطلب حاجه اعملها ويسألني عن حاجه تانيه
وامبارح كمان كان في سيمنار في الماريوت والمهندس خ اخد الهواري ومحمد ابراهيم
الحمد لله اني رحتش لاني مكنتش عايز اروح بس برضه اضايقت انه مش قالي تعالى
وبما ان امبارح كانت انتخابات مجلس الشورى فكنا مفروض نمشي من الشغل الساعه اتناشر بس انا فضلت قاعد مع المهندس وليد لغايه الساعه سته رغم ان الزكام كان هيجنني وكنت جعان خالص وعايز افطر لاني كل العاده مكنتش فطرت والساعه سته قالي لو عايز تمشي امشي وطبعا انا عملت عنتر وقلت لأ شويه وقالي شكلك تعبان روح قالتله حاضر ومشيت
كلمت حاتم لاقيت مش هينفع نتقابل روحت كان عندنا عمار ومامته وماما كانت تعبانه شويه والجو كان كئيب الى حد ما هلى الساعه تسعه نزلت اشحن الموبيل واخيرا كلمت المهندس موسى وقالي انه عايز يشوفني اخر الاسبوع انا كمان نفسي اشوفه بس بخاف من مقابلته المهم عديت على حاتم في البيت بس سيبته على طول عشان الوقت كان متأخر
وهو كان مضايق انا كنت عارف ان حالته هتبقى صعبه بعد ما يسيب الشغل بس ان شاء الله ربنا يكرمه قريب ويشتغل
لما روحت كان عمار مشي وكانت ماما بس اللي موجوده وكان في فيلم على وان تي في شفته قبل كده بس حلو عن مدرسه بنات في الستينات تقريبا
قعدت قدامه لغايه الساعه عشره ونص وبعدين دخلت انام عشان اقدر اصحى بدري وفعلا صحيت النهارده بس كسلان قوي مش عارف ليه
ربنا يسهل واليوم النهارده يخلص بسرعه
مش عارف اذا كنت هروح مكان بعد الشغل ولا لأ بس حاتم مشغول الاسبوع ده كله
ربنا يسهل والشغل يخلص الأول وبعدين نشوف
No comments:
Post a Comment