عندي شغل كتير وعايز اخلصه
امبارح كان يوم مزدحم للغايه بالعمل
مش عارف ايه الشغل ده كله لدرجه اني اضطريت استنى بعد مواعيد العمل الرسميه عشان اقدر اخلصه وبرضه مخلصش
نزلت من الشغل انا وهواري روحنا سوا
وصلت البيت لاقيته فاضي قلت يبقى اكيد عند اختي في الشقه
اتغديت وبعدين نزلت أقابل حاتم فضلنا سوا شويه بس مش كتير لان كان عندي مغص فظيع مش عارف انا كنت نسيت اني بعاني من مغص ملازمني طول الوقت لان كان بقالي فتره كويس معنديش غير المغص الناتج عن القلق بس ساعتها كان عندي مغص جامد
روحت على البيت استريحت لبرهه من الوقت
وبعدها نزلت روحت شقه اختي لاقيت ماما هناك وكنت هتجنن وانام
شويه ونزلنا كلنا وروحنا على البيت واول ما وصلت البيت دخلت في السرير ونمت على طول
صحيت النهارده متفائل شويتين رغم اني كنت كسلان
وصلت الشغل لاقيت تلال من الشغل ما زالت في انتظاري
يارب صبرني
No comments:
Post a Comment