منتصف الاسبوع وتاني يوم شغل
ارسلت للمهندس موسى رساله على تليفونه اعتذار عن اني كنت نايم وقلت هكلمه بعد الشغل وحولت التليفون عشان لو حاول يكلمني ميعرفش
ولما وصلت الشغل لاقيت في شويه لغبطه في شغل اليوم السابق قعدت اصلح فيها واشتغلت شويه كويس
نزلت في ميعادي عادي
وحاولت اكلمه بس فشلت وبعتله رساله وهو رد وقالي انه مشغول هيكلمني لما يخلص
روحت وبعد الغدا حاتم عدا عليا عشان يشوفني قبل ما يسافر يوم الثلاثاء الصبح
ولاقيته جايب لي هديه حلوه بس كنت حاسس بزهق شويه
انا فعلا مش عارف انا ايه اللي يبسطني وايه اللي يزعلني
فضلنا سوا لبعد المغرب وبعدين روحت مش لاقيت ليا نفس لحاجه اخدت دش ونمت
وصحيت النهارده عادي لا فرحان ولا زعلان
وانا في طريقي للشغل قابلت حاتم واكتشفت انه مش هيسافر وده كان الخبر الوحيد الكويس اللي سمعته من الصبح
وده لاني وصلت الشغل لاقيت الهواري بيعمل شغل وقالتله اني ورايا شغل انا كمان قالي مليش دعوه رغم ان بيعمل شغل للمجيستير مش للشركه
بعدها بشويه قالي هسيبلك البرنامج ربع ساعه تخلص فيها اللي انت عايزه ووافقت ولاقيت الشغل مش عايز يخلص وكمان محمد ابراهيم قعد يقولي اعمل كذا لا متعملش كذا وقرفني
بعدها لاقيت الهواري جاي يقولي فات ساعه الا ربع فقفلت البرنامج بعصبيه فزعل واخد على خاطره
هو حر انا قرفت بقى كل شويه اقعد اراضي في ده وادلع ده حاجه تقرف
انت عايز تخلص شغلك وانا كمان
يارب اليوم النهارده يخلص احسن من بدايته كده يوم ما يعلم بيه الا ربنا
No comments:
Post a Comment