النهارده الجمعه وانا مكسل في البيت
نحكي الاول على يوم الخميس
انا كنت في الشغل والمهندس شكري مكنش موجود وكنت مقضيها كسل ومعملتش حاجه تذكر
محصلش حاجه مهمه الا باستثناء ان الهواري قالي ازيك يا بشمهندس
وهو عارف اني بضايق لما حد يقولي كده لان ده معناه ان اللي قالي كده زعلان مني
بس انا كنت مضايق انه قالي كده لان مفروض اني انا اللي زعلان مش هو
نزلت وروحت في ميعاد الشغل
كان عندنا اخويا ومراته وطبعا عمار وبابا كمان كان موجود
فسبقتهم بالغدا عشان ماتغداش معاهم
وبعد الغدا حسيت ببوادر صراع بين اخي وزوجته فاتجهت للحمام واخذت دش وخرجت كانت الخناقه خلصت
فضلت في البيت شويه وبعدين نزلت قابلت حاتم واتمشينا شويه كان الجو كئيب شويه هو كان زعلان عشان في الشركة اتصلوا بيه وعايزنوا يروح يقابل المدير عشان فتره انقطاعوا عن العمل
روحت البيت كنت زهقان شويه
بس مش كان ليا نفس اعمل حاجه
نمت وصحيت النهارده مكسل اوي
واكتشفت ان المهندس موسى بعت رساله امبارح يسألني هينفع يشوفني ولا لأ وطبعا انا كنت محول التليفون فمعرفش يكلمني وانا محتار مش عارف اعمل ايه
لما اشوف ايه اللي هيحصل النهارده كمان
No comments:
Post a Comment