الجو النهارده ملبد بالغيوم
امبارح كان يوم لذيذ بالشغل
اشتغلت في هسس اي نعم بس اشتغلت كويس والحمد لله
الشغل اللي كنت خايف انه يتلغبط طلع سليم ونجا من محاوله اغتياله
ونزلت من الشغل وكان مش ليا نفس اروح بس مع ذلك روحت لاني مش كنت حابب اني اخرج لوحدي وكالعاده حاتم مشغول
في البيت لاقيت عمار وشويه وبابا وصل وكانت الطامه الكبرى
قعد يبهدل في الولد ويعلمه كل السلوكيات السيئه الممكنه انا مش عارف احمد اخويا ازاي بيسكت انا لو مكانه كنت اخدت الولد ومشيت ونجيت الولد من السلوك السيء
المهم بعد الغدا مش لاقيت حاجه اعملها نزلت قعدت في السيبر شويه بس كان وقت غايه في السوء
الكمبيوتر كان سيء والاشخاص الموجودين كمان
حاتم عفا غني بغد ما فضلت في السيبر ساعتين مستني اننا نتقابل
واتقابلنا وهزرنا وضحكنا واتفقنا اننا ممكن ننزل سوا اليوم التالي هو يزور امير وانا اروح الشغل
وفعلا بس لما روحت على البيت لاقيت فيلمي المفضل لانجلينا جولي واتفرجت عليه شويه فنمت متاخر شويه وكان من الجمل اللي أثرت فيا لما سألها وقالها
define life
هي كانت قادره تحدد ايه الحياه بالنسبه لها اي نعم كانت اجابه كلها سطحيه لانها قلتله الشغل والجواز
بس كانت قادره تحدد الحياه بالنسبه لها لما سألت السؤال ده لنفسي لاقتني مش عارف ارد عليه وخفت اوي
بس نمت
صحيت النهارده على تليفون من حاتم
نزلنا سوا واول ما اتقابلنا حصلت مشكله بس والله ما فاكر كانت عن ايه
بس شويه وكنت خلاص عند الشغل وحسيت انه عايزني اروح الشغل مش عشان الشغل في حد ذاته بس حسيت انه عايز يخلص من صحبتي وفعلا حققت له اللي عايزه رغم اني مكنتش عايز اروح الشغل
المهم وصلت الشغل ولاقيت الكمبيوتر عطلان ومش ليا نفس للشغل
مش عارف اعمل ايه
No comments:
Post a Comment