يوم الاربعاء هانت الاسبوع قرب يخلص
اول ما وصلت الشغل كنت مبسوط رغم اني لاقيت ان شغل اليوم السابق مش مظبوط وكان يوم مزدحم بالاعمال على غير العاده لدرجه اني مقدرتش اكلم حاتم غير من الموبيل وللحظات قصيره ومقدرناش نعمل الشات بالاميلات اللي احنا متعودين عليها
واتاخرت شويه بعد الشغل
وطول اليوم في الشغل الهواري كان متجنبني وانا كمان
وبعد الشغل روحت المكتبه وفوجئت باني نتيجتي في الامتحان كانت كويسه واني وصلت للمستوى التاسع
وكان من ضمن الكتب اللي حصلت عليها من المكتبه قصه عن هنيبال وحروبه مع الرومان بس حلوه مووت
ودي كانت كل الاخبار الكويسه تقريبا
نقول الاخبار اللي مش كويسه
حاتم مديره في الشغل كلمه عشان غيابه عن الشغل ورخم عليه
وحاتم كان مضايق بس ان شاء الله يقدر ياخد القرار المظبوط سواء بالاستمرار بالعمل او تركه
نقول بقى باقي الاخبار الكويسه عشان انا مش عايز اكون كئيب النهارده
انا وحاتم خرجنا بليل واستمتعت بوقتي اوي اوي
واتكلمت كتير
مسكين الولد كان مفروض اخليه يتكلم ومع ذلك فضلت اتكلم انا
روحت بعدها وعلى غير العاده قررت السهر شويه ومنمتش غير بعد ميعادي بساعه كامله
ومع ذلك صحيت النهارده رايق
الحمد لله المهندس شكري غايب النهارده كده اقدر اشتغل بمزاجي طول اليوم من غير توتر
يارب تدوم الايام الحلوه على طول
No comments:
Post a Comment