الجو حلو النهارده رغم ان الارصاد بتقول ان في موجه حاره
امبارح قضيتها كسل طول اليوم
بعد ما صحيت من النوم ولاني مجليش نفس اروح الشغل فضلت في البيت وبعدين نزلت السيبر وفضلت هناك ساعتين تقريبا كنت بكتب شويه وعملت شات مع حاتم شويه بس مقدرناش نتقابل ساعتها وبعدين روحت فضلت شويه وبعدين دخلت انام رغم اني في العادي مش بنام بالنهار وخصوصا في أيام الحر دي
صحيت من النوم زهقان شويه ومش لاقي حاجه اعملها
اخدت بعضي وروحت السيبر تاني
لاقيت حاتم كاتب بوست جديد بيعتذرلي فيه فرحت قوي بتصرفه الرقيق ده وسيبتله تعليق رغم اني مش بحب اكتب تعليقات كتير بس حسيت ان ده حقه عليه
بس للاسف متقابلناش اون لاين لانه هو مكنش يعرف اني على النت ساعتها وهو كان في الوقت ده مش على النت اصلا
بعدها روحت على البيت ولما كلمني اتقابلنا بس محدش فينا جاب سيره البوست وللاسف لما اتقابلنا كان الوقت شويه متأخر فمفضلناش كتير سوا وبعدين روحت جهزت لبس تاني يوم ونمت على طول عشان اقدر اصحى بدري
وصحيت النهارده قبل ميعادي بس كسلان شويه
وصلت الشغل لاقيت تلال من الشغل ربنا معايه
وكمان لاقيت اصحاب حاتم معلقين على البوست والله اتبسطت كتير بس احرجت اكتر من كلامهم
واللي ضايقني كمان ان الصديقه صاحبت اليوميات لسه مضايقه
ربنا يصبرها ويرحمه ويرحمنا جميعا
No comments:
Post a Comment