حد اثر في علاقتي مع الشخصيه اللي كنت ناويت اتكلم عنها
وبعيد عن الالغاز اللي بتتعبني
هتكلم النهارده عنها
ايوه عنها عن شيماء
دايما تخيلت اننا هنا مش هتكلم غير عن الاولاد وبس
بس هي كان لازم اتكلم عنها
شيماء كنا مع بعض في الدرس في المرحله الاعداديه
كان في بنات كتير معانا في الدرس وفي اولاد كتير برضه
بس انا كنت دايما واخد اني اتكلم مع البنات مكنش عندي الهاجس اللي عن الاولاد في المرحله دي
يمكن لاني من ابتدائي وانا كل اللي معايه بنات
اكيد كان في اولاد في الفصل بس انا دايما كنت بحب اتواجد مع البنات لانهم الطف وفي نفس الوقت الاولاد موجودين دايما
المهم
كنت دايما بقعد مع بنات كتير في الدرس بس مفيش حاجه بتشدني ليهم كنت بعتبرهم زي اخواتي تمام
وكنت بشرحلهم الرياضيات لانها مادتي المفضله وهم كان دايما عندهم مشاكل فيها
مكنش في اي شيء خاص بيجمعني بيها او بغيرها
الا ان كنا في المرحله الاولى من الثانوية العامه
والفتره دي عندي كانت كلها مشاكل
المهم بدون تفاصيل مزعجه طلبت اني اذاكر معاها عندهم في البيت
وعنها وبقيت بروح اذاكر عندهم في البيت طبعا من ورا اهلي لانهم كانوا هيرفضوا كان ليها اخ اصغر منها بسنه فقلتلهم اني هذاكر عنده
وفضلت الدنيا ماشيه بالشكل ده بدون اي تخيل من عقلي القاصر اننا في سن مراهقه
او للدقه البنت في سن مراهقه
فوجئت بها تكلمني عن حبها لي ورغبتها في الارتباط الخ الخ الخ
وعنه فوجئت اني في دوامه لا تنتهي وللحقيقه اني عندما جاريتها والله على ما اقول شهيد لم يكن في بالي ولا في تفكيري الا المذاكره
انا عايز اذاكر وبس
المهم انتهى العام بحلو ومره وقد ذادت صلتي باحمد عبد الله واصبح هو صديق هذه المرحله
وعنه اخذ يكلمني عن الحلال و الحرام وعنه اخبرت الاخت الفاضله اني لن اذاكر معها بعد الان وكانت صولات وجولات
No comments:
Post a Comment