أول أيام الأسبوع
امبارح لما وصلت الشغل لاقيت محمد أبراهيم
وشويه والهواري وصل
وطبعا
ماعملتش أي شغل
محمد أبراهيم فضل قاعد على الكمبيوتر بتاعي ونقذني منه الهواري لما وصل وكمان ان المهندس الخياط اتصل بمحمد عشان ينزلوا يروحوا مشوار سوا
وانا كان نفسي أخرج بس ده كان اليوم اللي مفروض هخرج مع أختي
بس انا مكنتش شفت حاتم من يوم الخميس لما ؟أخدت عمار وروحنا له البيت
بس هو قال انه مش هيقدر ينزل
نزلت من الشغل وروحت على المكتبه مفضلتش هناك كتير
روحت بعدها لاقيت ماما واختي في البيت
على الساعه خمسه خرجت انا وأختي
أتفرجنا على المحلات كتير بس ما أشتريناش أي حاجه
كنت في البيت على الساعه تمانيه بس حاتم قالي انه مش هيقدر ينزل النهارده كمان وبكده ده يبقى اليوم الثاني اللي ما نقدرش نتقابل فيه
عمار ومامته كانوا عندنا على الساعه عشره
الحمد لله عمار اتحسن دلوقت
نمت في ميعادي المعتاد وصحيت النهارده في الميعاد المعتاد
عايز اخلص النهارده من أكبر كميه شغل ربنا يسهل
No comments:
Post a Comment