النهارده الحمد لله ولكن،،،،،،،
امبارح كان يوم مش وحش
كان الشغل كتير وغلس ورخم وكان مزعج لاقصى درجه
شغلنا كله الايام دي على التقرير السنوي الله يحرقه
وشغل كله ارقام غبيه ملهاش اي لازمه وعلاقات بيانيه اكثر غباء ورخامه
المهم خلصت الشغل وطيران على البيت وده طبعا في ميعاد الانصراف ومستنتش ولا لحظه رغم ان المهندس شكري والمهندس وليد كانوا سهرنين
لاقيت في البيت ماما بتقولي ان عمار ايديه اتجبست لانها طلعت مكسوره وهي كانت راحه تزوره بس انا مروحتش معاها قلت يمكن اعرف اتقابل انا وحاتم
اه صحيح ما احنا اتصلحنا امبارح بعد ما خلصت كتابه البوست
بس ما اتصلتش بيه قلت اسيبه لغايه ما لو عايز يشوفني هيطلب ده وفضلت قاعد في البيت لوحدي من الساعه خمسه لغايه الساعه تمانيه ونص
حتى اسلام كان بره ورجع غير هدومه وراح على النادي
وصاحبه اختي ر زرتنا امبارح بس كنت لوحدي ساعتها فمشيت على طول والتلفزيون كان قمه في الملل
لما ماما رجعت دخلت اخدت دش ونزلت قلت مبدهاش هعدي على حاتم عشان اقابله
هو شكله مش هيعدي من نفسه
اتقابلنا بس لان الوقت كان متأخر مفضلناش سوا كتير
وكنت طول الوقت مش عارف اعمل ايه بخصوص المهندس موسى
وفي الاخر معملتش حاجه حتى التليفون محولتوش قبل ما أنام
صحيت بليل على صوت بابا لما رجع من الشغل وكان الجو حر شويه وكنت عطشان شربت ونمت تاني بس سمعته بيقول لماما انها الصبح تخليني ابعت رساله لاختي اشوفها راجعه من السفر امتى هي وزوجها واولادها
المهم لما صحيت الصبح لاقيت المهندس موسى رن حوالي الساعه اتنين ونص مساء وفي الميعاد ده هو بيكون واثق اني نايم
وكمان كان بعت رساله لطيفه خالص
بيقول انه بيكلمني وانا بطنشه ده اولا
وثانيا اني بخيل عشان كده مش بكلمه
وثالثا انه بيحبني وده ردا عن اني في الرساله اللي قبلها كنت بقوله انه بطل يحبني عشان كده مش بيكلمني
ورابعا ان نفسيته تعبانه خالص
وخامسا انه هيشوفني قريب
وانا في طريقي للشغل رديت وقالتله انه مش بخل والله بس كسوف
واني انا كمان بحبه وان يارب ميكونش لسه نفسيته تعبانه واننا ياريت نتقابل قريب جدا مش قريب بس
وصلت الشغل لاقيت اطنان العمل ما زالت في الانتظار
بس اللي خفف عني شويه ان الساعه وصلت تسعه والمهندس شكري ما وصلش قلت خلاص هو اجازه اليوم
بس شويه لاقيته وصل وطلب شغل جديد
ومن ساعتها وانا بشتغل بس على الساعه عشره تقريبا كان في فيروس في الشبكه الداخليه للشركه كله والكمبيوتر كان عطلان فمن ساعتها لدلوقت معملتش حاجه
واول ما الشبكه اتصلحت قلت اكتب البوست واخلص عشان الحق اروح في ميعاد الانصراف
اه صحيح المهندس موسى بعتلي رساله كلمني ضروري لاني كنت محول التليفون فاتصلت بيه وقالي يبني صلح التليفون او اتخلص منه قلتله حاضر
كان عايزني اسأله عن واحد هيتدرب في الشركه اشوف تاريخ تدريبه امتى وهيتدرب فين
ولما سألت الموظفه قالتلي هو الولد ده من طرف مين قالتلها بكل ثقه المدير العام
ربنا يستر
بس هو كان عايزني اعدل الميعاد انا مش ناوي اتصرف اكتر من كده
وقالي انه هيقابلني بكره انا خايف جدا من المقابله انا مش بحب اقابله لوحدي ومش عارف اعمل ايه
انا ممكن اقفل التليفون
او ممكن اقابله لوحدي وان كان المقابله هي الاحتمال الأبعد
ربنا يسهل
No comments:
Post a Comment