النهارده تاني يوم في الأسبوع ولسه معملتش حاجه
امبارح ما تقبلتش مع حاتم
الموضوع كده طول أوي
في الشغل أمبارح كان في طالب تدريب وكان من نصيبي أمبارح مكنتش عارف أتصرف معاه خالص
بس طبعا مش مفروض أقول كده
أديته شويه معلومات بس كنت حاسس أنه زهقان كان قاعد جنبي وأنا كنت بشوف أي حاجه أعملها
وشويه ولاقيته زهقان أوي
فسيبتله المكتب وخرجت أتمشى أنا في الشركه شويه
مش عارف النهارده الولد هيكون من نصيب مين
المهندس شكري مطلبش شغل أمبارح مني
بس أتأكدت أني هروح فرح المهندس الخياط
ولسه لغايه دلوقت مكلمتش المهندس موسى
ولسه أنا قافل الموبيل زي ما هو
مش ليا رغبه في الحديث دلوقت ممكن أحاول أكلمه النهارده
في فرصه للشغل عندنا في الشركه يارب حاتم يقبل فيها ويبقى بيشتغل معانا
حتى لو كان شغله هيكون في الموقع مش في الشركه فبرضه هيكون معانا
روحت من الشغل أمبارح مكنش ليا نفس لأي حاجه
اتفرجت على التلفزيون وقعدت على النت شويه بس مش لاقيت حاجه أعملها فخرجت من على النت
ماما وأختى راحوا على شقه أختي بس انا مروحتش معاهم
نمت قبل ميعادي أمبارح
يارب النهارده أخلص الشغل اللي ورايا كفايه كسل كده
2 comments:
عجبتي فكرة الخصوصيه في النشر...الرجاء ارسال ايميلك لأضافتك
مع الشكر
صديقتي العزيزه
ايميلي
ms.suco@gmail
تحياتي
Post a Comment